1. It-Tlieta fis-6.00pm fiċ-Ċentru Familja Karmelitana se ssir laqgħa għal kulħadd organizzata mill-Membri tal-Leġjun ta’ Marija.

2. L-Erbgħa hija l-Ħames Erbgħa tal-Udjenza tal-Madonna tal-Karmnu u l-Festa ta’ San Ġużepp Ħaddiem. Il-quddies jkun bħal ta’ kuljum. Fis-5.45pm jkollna r-rużarju, fis-6.15pm għasar u wara quddiesa bl-omelija, funzjoni Marjana u barka sagramentali. Nhar l-Erbgħa hija festa pubblika u l-Grupp tal-Anzjani mhux se jiltaqa’ fiċ-ċentru.

3. Il-Ħamis wara l-quddiesa ta’ filgħaxija jkun hawn nofs siegħa adorazzjoni quddiem Ġesu’ Ewkaristija.

4. Il-Ġimgħa hi l-ewwel Ġimgħa tax-xahar. Tajjeb li nersqu għall-Qrar u t-Tqarbin.

5. Is-Sibt huwa l-ewwel Sibt tax-xahar dedikat lill-Qalb bla Tebgħa ta’ Marija. Tajjeb li nitolbu t-talba tar-rużarju fil-familji tagħna. Wara l-quddiesa tat-8.30am tingħad it-talba tar-Rużarju.

Avviżi oħra:

• Infakkrukom li l-Ġimgħa 10ta’ Mejju se jsir l-Irtir Nazzjonali għat-Terzjarji fis-Santwarju tal-Ħniena Divina n-Naxxar. Iktar dettalji mingħand Josephine Spiteri.

• It-tberik ta’ dawk li talbuna issa tlesta. Nirringrazzjaw lil dawk kollha li laqgħuna.

• Il-ġabra li saret għall-Karita kienet ta’ €1000. Nirringrazzjawkom tal-offerti tagħkom. Il-weekend li ġej issir il-ġabra speċjali tax-xahar għal bżonnijiet tal-Parroċċa tagħna.

• Fiċ-Ċentru Familja Karmelitana qiegħed issir fiera tal-Kotba sal-Erbgħa 1 ta’ Mejju mill-10am sas-7pm.